2026 Fifa World Cup Qualifiers: Ghana invite Thomas Partey and odas for qualifiers against Chad and Mali

Ghana invite Thomas Partey and odas for 2026 World Cup Qualifiers

Wia dis foto come from, GHANA FOOTBALL ASSOCIATION Wetin we call dis foto, Ghana get 15 points from six games so far for di qualifiers wey dem dey lead group I

3 hours wey don pass

Thomas Partey go play for Ghana for di upcoming World Cup Qualifiers.

Dis na afta coach Otto Addo bin call am despite say im begin dey face court for rape allegations.

Di Villareal midfielder don deny di allegations wey im club tok say dem respect di principle of innocence until di judicial process don end.

Partey togeda wit starboy Mohammed Kudus, Jordan Ayew, Inaki Williams and Antoine Semenyo go play di two qualifiers.

Tariq Lamptey, Alexander Djiku, Gideon Mensah, Mohammed Salisu, Elisha Owusu, Joseph Paintsil and odas dey among di 24-man squad.

Wit one local-based player - Hearts of Oak goalkeeper Benjamin Asare.

Di Black Stars go face Chad on 4 September for di Stade Olympique Marechal Iddris Derby.

Ghana go host Mali for di Accra Sports Stadium on 8 September.

Di Black Stars get 15 points from six games wit one defeat – wia dem bin lead group I.

To confam dia place for di 2026 World Cup – dem gatz win all dia four remaining games.

If dem drop points, Comoros wey currently dey second wit 12 points fit worry dem.

Na so Madagascar wit 10 points for now, fit shake di table if dem also bin dia remaining games.

Winners for each of di nine groups go qualify for di World Cup.

Four of di best second place teams go play for one Caf tournament and den di winner go play di Fifa play-off tournament to qualify for di Mundial.

Ghana go hope say dem fit qualify afta dem fail to qualify for di 2025 Afcon – for di first time in 20 years.

Wia dis foto come from, GHANA FOOTBALL ASSOCIATION Wetin we call dis foto, Ghana go hope say Inaki Williams and Partey togeda wit Kudus go lift di team to grab maximum points v Chad and Mali

Full squad:

Goalkeepers: Lawrence Ati Zigi (St. Gallen), Joseph Anan (St. Patrick's Athletic).

Defenders: Gideon Mensah (AJ Auxerre), Derrick Arthur Kohn (Union Berlin), Mohammed Salisu (AS Monaco), Jerome Opoku (Istanbul Basaksehir), Alexander Djiku (Fenerbahce), Jonas Adjetey (FC Basel), Tariq Lamptey (Brighton & Hove Albion), Caleb Yirenkyi (FC Nordsjaelland).

Midfielders: Elisha Owusu (AJ Auxerre), Mohammed Kudus (Tottenham Hotspur), Ibrahim Osman (AJ Auxerre), Ibrahim Sulemana (Atalanta FC), Thomas Partey (Villareal), Abdul Salis Samed (OGC NICE).

Click here to read article